نشر "أحمد شقير" رئيس إتحاد طلاب كلية الهندسة بجامعة المنصورة على حسابه على الفيس بوك، شهادته حول ما حدث في التحقيقات و المجلس التأديبي الذي تعرض له هو ونائب رئيس الإتحاد، و 3 طلاب آخرين بالكلية، على خلفية تنظيمهم ومشاركتهم في فعاليات رافضة للإنقلاب العسكري بالجامعة، حيث قال :
"ملخص ما حدث مع العميد أمس:
طالب كلمني تليفونيا: العميد عايزك.
روحت هناك، لقيت سيادة العميد واتنين وكلاء، طبعا الكلام بدأ بزعيق وعبارات زي: إنتوا مش هتيجيبوها لبره - أنا نصحتكم كتير - بحبكم زي ولادي بس ابني لو بيعمل كده هقطم رقبته.
وأنا ساكت مش بتكلم.
العميد: وصلني أسماء إنكم عاملين قلق وجايبين الجامعة كلها عندنا هندسة وبتوسخوا الحيطان وبتعطلوا العملية الدراسية.
أنا: المظاهرات حق مشروع للتعبير عن الرأي وحضرتك قولت كده بنفسك.
العميد: آه طبعا بس الحيطان والجدران.
أنا: أكيد طبعا حضرتك ماشوفتنيش ماسك اسبراي وبرش!! ممكن أعرف الأسماء دي جت منين؟!
العميد: بس إنت أكيد تعرفهم وتقدر تكلمهم!
أنا: هحاول! بس ده مش مبرر إن ألاقي خمس أسماء هيتحقق معاهم من غير دليل؟ ممكن أعرف حضرتك جبت الأسماء منين؟!
كان فى واحد من أمن الكلية جنبي: مش من عندنا، أمن الكلية كله شاهد إن الخمسة دول معملوش حاجة.
العميد: يعني هم هيفتروا عليكم، الأسماء جاية أكتر من مرة إنكم السبب فى كل ال بيحصل خاصة إنت وعادل وسعد.... إنتو تقدروا تسيطروا عليهم إنتو تقدروا تمشوهم، ولو عملوا حاجة النهاردة حتي لو إنتو بعيد هحولكم للتحقيق.
أنا: تاني يا دكتور أستأذنك الأسماء دي مين ال باعتها؟!
..............مفيش إجابة............
تليفون من رئيس الجامعة أمامي، والعميد يجيب: حاضر يا سعادة الرئيس...هشوف أهوه!!
العميد للسكرتير: شوف الأسماء دي ليها صور فى المظاهرات ولا لأ.
العميد للمصور الإعلامي: انزل وخد معاك الكاميرا وصور وشوش الناس ال عاملة قلق تحت.
المصور يرفض، العميد يقوله مرة أخري ويقوله: هبعت معاك اتنين أمن متخافش.
المصور: مش قصة خوف يافندم...اعفيني من المهمة دي ثم ينسحب من المكتب.
العميد: حد يقوله يروح يصور وإلا هيسيب شغله.
العميد لوكيل الكلية: اعملي مذكرة حالا بالأسماء دي.
وكيل الكلية: آسف...مش عامل، ال جاب الأسماء يعمل المذكرة.
أنا: أستأذن حضرتك يا دكتور....أنا همشي!
*هذه شهادتي أنقلها كما رأيتها ولا أخشي فى الله لومة لائم، يسألني الله عليها يوم القيامة، والله على ما أقول شهيد."
0 التعليقات:
Post a Comment