أوضح ادهم حجاج الكاتب الصحفي و أحد النشطاء الرافضين للانقلاب بالخارج اليوم الجمعة أن وظيفة ضابط الشرطة حماية الشعب و خدمته و أن أداءه لمهام وظيفته ليست تفضلا على الشعب .
و قال حجاج على صفحته على موقع التواصل الاجتماعي "فيس بوك" : "أبو 50% ده اللي بيحميك أنت و اللي زيك", ده دايما رد مؤيدي السيسي كل ما تيجي جانب العسكر أو الداخلية , و كأن هو مش شغلته إنه مش بس يحميني أنا و اللي زيي من التسعين مليون, لأ ده وظيفته كمان يخدمني, أيوه افتح بقك بقى و اندهش, يخدمني؟!!"
و تابع " أيووووه زي ما بأقولك كده في معظم دول الدنيا اللي مصر أمها و ح تبقى قدها الشرطة فعلا في خدمة الشعب , يعني عجلة عربيتك تفرقع, بطارية العربية تفضى, متأخر بالليل و عايز حد يروحك بتكلم الشرطة و هي في خلال 5 دقائق بالكتير بيكون قدامك ضابط شرطة و "بيطلب" منك إنه يخدمك فحضرتك بتقوله "معنديش مانع, اتفضل اخدمني".
و استطرد" ليه كل ده؟! لأن هي دي وظيفته.. هو اللي اختارها ماحدش ضربه على إيده , زي لو أنت طبيب ح يبقى من واجبات وظيفتك إنك مواعيدك تبقى مفتوحة , و لو زبال يبقى من واجبات وظيفتك تشتغل وسط الزبالة, أهو ضابط الشرطة في كل حتة في العالم - ما عدا كام حتة زينا كده - وظيفته إنك يقبض على البلطجية , مش ينزل معاهم يضرب فيك
و إنه يرجعلك المسروقات - مش يديك رقم تليفون اللي سرق عربيتك عشان تكلمه تتفاوض معه و إنه يخدمك مش يعذبك و لا يهينك"
0 التعليقات:
Post a Comment