طالبت الناشطة السياسية، أسماء محفوظ، من يتهمها بالعمالة والخيانة وإسقاط الدولة بالتظاهر ضد أجهزة الدولة، لعدم القبض على من وصفتهم بالخونة، مشيرة إلى أن تهمة المقبوض عليهم هى التظاهر وليست العمالة أو الخيانة، على حد تعبيرها.
وقالت فى تدوينة على حسابها الشخصى عبر موقع التواصل الاجتماعى "فيس بوك": "طيب أنا لما أحب اسلم نفسي اسلم نفسي لمين؟،انا من سنة قلت اخدهم علي قد عقلهم ورحت اسلم نفسي بتهمة العمالة والخيانة، رحت للمخابرات قالولي ملفك عندنا ومفيش اي ادانة ضدك،رحت للداخلية قالولي لو في قرار ضدك مش هنستنى لما تسلمي نفسك احنا هنجيبك من البيت،رحت للنائب العام قالي مفيش قضايا ضدك فقدمت بلاغ في نفسي اتحول للنيابة من سنة ومفيش اي اخبار عنه، اعمل ايه اكتر من كده؟".
وأضافت: "طيب اللي بيتهموني بالعمالة والخيانة واسقاط الدولة المفروض بقي يروحو يتظاهرو ضد اجهزة الدولة اللي سايبين الخونة كده وحتي اللي بيتقبض عليهم بيتقبض عليهم بتهمة التظاهر مش بالعمالة والخيانة، بقالكو 4 سنين بتتكلمو في نفس الموضوع ومعاكو فيديوهات ومستندات وعدى عليكو كام نظام اتغير".
واستطردت الناشطة السياسية: "ايه بقي هما معاكو ولا عليكو؟، ولا مفيش قانون في البلد دي؟، لازم تحمو البلد من الخونة مينفعش تقفو ساكتين كده
واختتمت تدوينتها قائلة: "#شلوهم".
مصر العربية
0 التعليقات:
Post a Comment