نشطاء يدشنون هاشتاج كشف حساب للسيسي مع قرب إتمامه عامه الأول

دشن رواد موقع التواصل الاجتماعي "فيس بوك" هاشتاج جديدًا باسم "‪#‎cc_365‬" جاء ذلك بالتزامن مع اقتراب مرور العام الأول من حكم الرئيس عبد الفتاح السيسي.

وتفاعل عدد كبير من النشطاء مع الهاشتاج لتقييم القرارات التي اتخذها الرئيس خلال عامه الأول، والجوانب الإيجابية والسلبية لهذة القرارات.

بداية يقول "Mohamed Ashraf": "وجبت شقه من المليون وحده سكنيه بتوع إسكان الشباب وهتجوز فيها الشهر الجاى إن شاء الله والدعوة عامه وقناة السويس الجديده أهى إشتغلت والحمد لله خيرها مغرق المصريين كلهم وهات بقى الولاعه دى عشان الجوب إتطفى - خد أهى = هاااات".

وأضاف "وسيم الحسينى: " الي الغاء العلاوة السنويه للموظفين الي وقف انتخابات مجلس الشعب لاجل غير مسمي الي مقتل العشرات جراء التعذيب في السجون الي ٤٢ الف معتقل الي مجازر المطريه والدقهليه الي فنكوش العاصمة الجديدة الي فنكوش المؤتمر الاقتصادي الي فنكوش ٣٠ الف معلم الي الانحطاط الاخلاقي الي المعارك بين الجيش والشرطة الي فنكوش المليون وحده سكنيه الي ارتفاع اسعار المحروقات الي براءه مبارك وحسين سالم الي تجميد اموال ابو تريكه الي اعدام محمود رمضان وغيره وصولا الي ارتفاع اسعار الخضروات وغيرها ومن يدري الخمسين يوم المتبقيه ماذا ستحمل من ازمات ‪#‎cc_365‬".

وتابع "Hossam Eldin Sobhy": " فين تقسيم المحافظات الجديده ؟!!- فين العاصمه الجديده و نتائج المؤتمر الاقتصادي؟!!- طب فين عربيات الخضار .... طب اللنده الموفرة ؟!!طب فين أي حاجه من اللي قولت عليها قبل الرئاسه ؟!!مش بنحاسبك على المليارات اللي دخلت من الخليج أو المليارات اللي ضاعت على البلدببراءة المخلوع مبارك و عياله و عصابتهم .... بنحاسبك على أحلام عيشت فيها الغلابه و في الأخر طلعت زي جهاز الكفته .مش بنحاسبك على العيش و الحريه و العداله الاجتماعية و الكرامه الانسانيه .. بنحاسبك على كلام قولته بلسانك لمؤيدينك قبل معارضيك .. مش بنحاسبك على المفروض نحس بيه بعد سنه من حكمك ... بنحاسبك على اللي انت قولته و وعدت بيه".

وواصل "Walid Gaber" ساخرًا : "إنجازات كتير الفتره الجايه"

واستكمل "Ḿǿhåmmễd Jǿmåñjy": "اعتقال الصحفيين ، تكميم افواه ، قانون منع التظاهرات ، تهجير أهالي سيناء ، غلاء الاسعار ، وصف كل معارض بإرهابي ، غرق الفوسفات في النيل ، مقتل الجنود علي الحدود ، أحداث ماتش الزمالك ، براءة مبارك وحاشيته ، التحفظ علي اموال الشرفاء :)) أتكلمتو عن انجازات في قناة السويس وعاصمة جديدة لمصر ومشاريع طرق واسكان وفرص عمل وحاجات كتير ولسة ماحدش شاف حاجة ^^ نفس السنة اللي قعدها محمد مرسي وقولتو معملش حاجة".

وذكرت "Hodhod Hetlr": "وعد من الشباب هتكون اخر حكام العسكر".

وكتب "‬Muhmed Shawky": "المليون شقة فنكوش اللنض الموفرة فنكوش عربيات الخضار فنكوش مليون فدان فنكوش علاج الايدز فنكوش العاصمة الجديد فنكوش قناة السويس فنكوش".

وعلق "Kareem El Hanafy" قائلاً: "يااريس كله تمام .. بس هى عربيه الخضار لسه موصلتش ! والشقه ال#35 متر لسه متبنتش! والكفته بتاع عبمعطى لسه مستوتش ! صباح الفل ياريس ‫#‏هشتاج‬ .. كله باأوانه ...".

وأضاف "Emad Mohamed": "عدت سنه علي رئاسه السيسي لمصر؛ السؤال للمؤيدين: اذكر انجاز واحد عمله غير اننا نور عنيه".

ورأت "مروة عاطف رزق" : "انجاز جديد للرئيس السيسي انه لم يقبل وزير متكبر في عهده ورد كرامة عامل نظافه غلبان ب اقالة وزير العدلعشت لينا ياريس ‪#‎cc_365‬".

مصر العربية