- مفيش ادامنا غير التوجه للاتحادية وخلع مرسى واعلان المجلس الرئاسى والمحكمة الدستورية هتعتمد توقيعات تمرد وهتطلب رئيس المجلس الرئاسى للحلف أمامها ..
- مين هو ؟
- الفلول عايزين شفيق واليسار عايز حمدين واللى بيفهمو عايزين البرادعى وفى مجموعة مرشحة تهانى وعموما احنا محسمنهاش وساعتها هنحسمها ..
- يعنى الدستورية هتبعت تطلب مين بالضبط ..؟
- اللحظة ساعتها ستكون ثورية واللى الثوار هيفرضوه وهيحموه ويأمنوه هو ده هيكون الزعيم اللى مصر هتمشى وراه والمصريين هيضحو عشانه ..
- ولو معرفتوش تدخلو الاتحادية زى ال٢٣ مرة اللى فاتو هتعملو ايه ..؟
- احنا عاملين حسابنا فى النقطة دى بالذات ومنشنيين على مكان تانى اهم من الاتحادية بكتير وهندخله بسهولة لان الحراسة عليه ضعيفة جدا وهنعلن البيان الاول من هناك ونبدأ حكم مصر ..
- انا سمعت ان بعد لما ده هيحصل بساعة هيتجمع حوالين المكان التانى عدد اكبر من ال١٠٠ الف وهايحصرو المكان ويقتحموه ويخلعو اللى انتو جبتوه ..
- مستحيل مستحيل مستحيل لان ساعتها هتكون هى دى الشرعية ودول هيكونو خارجين على الشرعية وهيتلمو فى خمس دقائق وهيتحطو فى السجن علشان نعرف نشتغل ونخرج البلد من ازماتها ولازم يبقى في استقرار علشان الاقتصاد يتحرك ..
- يعنى هما خارجين على الشرعية وانتو مش خارجين ولا حاجة ..؟
- مش النظرية ..
- يعنى قصدك تقول ان اللى بيدافع عن نتيجة الصندوق الانتخابى خوارج واللى سقط فى الانتخابات هو الشرعى ..؟
- عموما هى دى شرعية الأمر الواقع وبعدين انت جبت حكاية اكتر من ١٠٠ الف دى منين ..؟
- دا الناس هى اللى بتقول كده مش انا ، اصل الناس بتاخد مؤشر من الاعداد اللى كانت عند جامعة القاهرة وبيقولو ان عددهم كان ٤ مليون وصوروهم حتى بالطيارات لان مفيش كاميرا عرفت تصور الاعداد دى كلها ..
- يبقى هتكون بحور دم ..
- ليه ياراجل حرام عليك مش انت سلمى ومش بتاع عنف .. ؟
- أيوة بس مينفعش ينزلو واحنا اصلا نازلين وبعدين زى ماقولتلك الفلول نازلين بسلاح كتير جدا
- بصراحة انا محتاج اعرف منك هو ايه اللى ينفع وايه اللى ماينفعش لانى وانا بتناقش معاك بحس ان انت اللى بتنفرد بوضع قواعد للمناقشة .. اما موضوع السلاح الكتير بتاع الفلول فده بالذات هيدى مبرر لأى نظام باتخاذ اجراءات استثنائية ضد حملة السلاح وبصراحة الفلول بيتميزو بالجبن الشديد فإما انهم هيهربو أو هيعترفو على بعض أو هينافقو ..
- خلاص احنا محتاجين نرجع ونتناقش حولين اللى هيحصل بينا لما نكون احنا جوة وال٤ مليون برة .. وكيف نتفادى الدم .. وكله بالحوار ..
- وانا معاك للآخر ..
0 التعليقات:
Post a Comment