روى باهر عادل - نائب رئيس اتحاد طلاب جامعة اسكندرية- عبر حسابه على فيس بوك:
"قاعد على القهوة مع صحابي في أمان الله على الساعة 8:30 كده، ألاقي نمرة أرضي من القاهرة بتكلمني، رديت لقيتها معدة برنامج 90 دقيقة ..
المعدة: ألو باهر معايا ؟
أنا: ايوة يا فندم باهر مع حضرتك
المعدة: حضرتك نائب رئيس اتحاد طلاب جامعة اسكندرية، كنا عايزين نعمل مداخلة دلوقتي مع حضرتك بخصوص اللي حصل في المجمع النظري النهارده، ممكن ؟
أنا: تمام مفيش مشاكل
المعدة: خليك معايا ثانية، حولتني على واحد تاني ...
الراجل التاني: حضرتك نائب رئيس الاتحاد، صح كده ؟ رأيك ايه في اللي حصل النهارده ؟
أنا: اللي حصل النهارده مهزلة مينفعش يتسكت عليها والغلطان لازم يتحاسب ويتحول للتحقيق وبكرة عندنا اجتماع مع رؤساء الاتحادات في المجمع النظري وحنشوف حنوصل معاهم لأيه تحديدًا ...
الراجل التاني: يعني انت ضد المظاهرات بتاعة الاخوان النهارده ولا شايف ان ده صح ؟
أنا: لا طبعًا مش ضد اي مظاهرات لأي طالب في الجامعة ومن حقه يعبر عن رأيه طالما ملتزم بالسلمية وأي حد يتجاوز يتحاسب ...
الراجل التاني: يعني انت مش ضد مظاهرات الاخوان ؟
أنا: لا طبعا ده حق لأي طالب انه يعبر عن رأيه بحريه وان .......
الراجل التاني" بعد ما قاطعني في نص الكلام ": خليك معايا ثواني ثواني ثواني .. مرة واحدة تييييييييييت
قفل السكة في وشي قبل ما ادخل المداخلة ...!!!!!!!!!!!
قعدت اكلمه بعدها علشان يرد بس اشتمه واقفل تاني علشان مينفعش يقفل السكة في وشي مردش عليا ....!!!"
0 التعليقات:
Post a Comment