كتبت والدة المعتقلة دارين مطاوع عبر فيسبوك: "حسبنا الله ونعم الوكيل ..زرت ابنتي اليوم الخميس ...لا أعرف من أين ابدأ ...ولا أصف ما هي فيه من تعب نفسي وجسدي ...
دخلت عند لقائها وجدتها تبكي وساعة ما شافتني انهارت من البكاء اخذتها فى حضني .. وهدأتها وقلت لها "اهدي واحكيلي" .....وطبعا البنات فى الزيارة كلهم منهارين عند لقاء اهاليهم حولي ..."
وتابعت: "وبدأت تحكي..قالت الدكتورة سماح -احدى المعتقلات- فى عنبر العسكرى جنبنا .. فى الساعه 11 يوم الثلاثاء مساءً طلبت تشترى حاجة للأكل من الكافتيريا ... والسجانة رفضت خروجها وحصلت بينهم مشادة علشان مفيش أكل ...وصلت لضرب الدكتورة سماح والبنات الى معاها صرخوا ...
شويه وجات لهم نفس السجانة بس معاها الجنائيات ونزلوا ضرب فى البنات .. ده كله فى عنبر العسكري جنب دارين ..."
وقالت: "عنبر دارين سمع صراخ وفى بنت تبع السجن قالت لهم البنات بتنضرب فــ انهاروا وخافوا وقالوا الله اكبر ...بصوا لقوا الجنائيات جم عليهم لضربهم بالحديد والطوب..وضربوهم ضرب مبرح ..وراحوا قالوا لإدارة السجن السياسيين ضربونا ..
البنات عند دارين لقوا كام ضابط داخلين عليهم .. البنات خافوا منهم وأوقفوهن على الحيط وفتشوهن. وهم طالعين سمعوا دارين وهى بتبكى بتقول متخافوش ربنا أقوى منهم ..قالها الضابط طيب هعلمكوا الأدب الصبح"
تابعت: "يوم الأربعاء الساعة 11 صباحا لقوا ضباط شرطة دخلوا عليهم وكانوا رحلوا 8 من عنبر العسكرى والضابط وقفهم ..ومسك دارين من شعرها وهبدها فى الحيط مرتين ..وضربها بونية فى ظهرها ... ووزعهم على العنابر بتاعة الجنائيين ... بشعرهم ومن غير شبشب وبلبس النوم ..
وقام مودي دارين عند الحمامات فى طرقة صغيرة ..ولايوجد معها أى شىء ..وجلست من تعبها على الأرض وكلها صرارير وقطط ...وباتت ليلة من الخوف والبكاء؛ ربنا يجعلها لعنة عليهم .وطبعا عنيها مورمة وطلعالى محطمة نفسيا وتقولي اول مرة اشوف القسوة دي فى حياتي ..."
"ولما جه معاد الزيارة لقت السجانة بتقول لها لكِ زيارة دارين قالت لها مش طالعة بشعري ... قالت لها امال كنتوا بتروحوا رابعة ازاى ...ردت دارين عليها وقالت لها بقولك مش طالعة بشعري .. قامت بنت ناولت لدارين طرحة وشبشب وطلعت لي.."
ختمت قائلة: "أول مرة فى حياتي أشوف نظرة الحزن بالشكل ده فى عين بنتى ...قالتلي ادعيلى يا أمي اطلع من هنا ....وهم ربع ساعة زيارة بعد ما كانت ساعة قبل كده ..ورجعت مصدومة من اللي الحاصل ...حسبنا الله ونعم الوكيل .."
رصد
0 التعليقات:
Post a Comment