دشن نشطاء على موقع التدوين المصغر "تويتر" هاشتاج جديدًا بعنوان "التهجير مش حل" اعتراضًا على ترحيل أهالى سيناء، بعد التفجيرات التي استهدفت نقطة تفتيش تابعة للجيش في العريش، وأسفرت عن استشهاد أكثر من 30 جنديًا وإصابة أكثر من 30 آخري، وتسائل النشطاء، ماذا لو انتقل الإرهاب إلي القاهرة.
وقال "A7MeD HaMdY": "# التهجير_مش_حل انا عايز افهم ازاي بنقول الحل تنمية سيناء ونروح مهجرين الناس منها ؟!".
وكتب "๏̯͡๏ mحmd♫ ♪": "بدل م تملكهم أراضي و توفر حياة كريمة عشان يساعدوك و يحسوا بوطنيتهم شويه رايح تهجرهم من بيوتهم ده التفكير العسكري المتخلف #التهجير_مش_حل".
وتفاعل "AbuMo3az": "السيسى كده هيخلى الناس المحترمين فى سيناء يبقوا ارهابيين بجد ويولعوا فى البلد وضميرهم مستريح #التهجير_مش_حل".
فيما قال "Mohamed Adel": "التهجير_مش_حل لان التهجير مش حايوقف العمليات الارهابيه اللي بتحصل .. لانه ببساطه مش بيعالج القصور الواضح ف حماية الجنود ..".
بينما علق "المناضل ToTti": "مش قادر اتخيل او اقتنع انى عايش مع ناس ف نفس البلد فرحانين وبيطالبوا بتهجير ناس من بيوتها وارضها ومعندهمش مشكله ف كده ! #التهجير_مش_حل #خونه".
وأردف "salma said": "التهجير_مش_حل يعني ايه الجيش هيهجر اهل سينا؟ لييه جيش احتلال؟ وهيروحوا فين، واللي مش هيرضى يمشي هيحصل فيه ايه؟".
وذكر "♥ نـــــوري": "كل المؤيدين للتهجير، روح اتبرع ببيتك لصندوق تحيا مصر وخد بداله 300 جنيه واجر بديل واتعايش انت مادام الموضوع عاجبك اوي كده #التهجير_مش_حل".
وصرح اللواء عبدالفتاح حرحور، محافظ شمال سيناء، إن عملية إخلاء سكان منطقة الشريط الحدودي بمحافظة شمال سيناء ستكون نهائية وليست مؤقتة، يتم بعدها هدم جميع منازل المنطقة وإقامة منطقة عازلة.
وأضاف حرحور، في تصريحات له، أن المنطقة العازلة ستكون بعمق 500 متر من الشريط الحدودي بشمال سيناء، لافتًا إلى أن عدد المنازل بهذه المنطقة 802 منزل بها 1156 أسرة وجميع المباني مقامة على أملاك الدولة.
مصر العربية
0 التعليقات:
Post a Comment