تباينت آراء الشارع حول طرح هيئة المجتمعات العمرانية لـ8 آلاف مقبرة، يصل سعر الواحده إلي 68 ألف جنيه؛ حيث وصف مواطنون الأمر بالتهريج، وعبر أخرون عن رفضهم بطريقة كوميدية، قائلين: "هي مقبرة هنتجوز فيها"، "هي مقبرة توت عنخ آمون".
يقول محمد عمر، ساخراً: "هي مقبرة هنتجوز فيها، لو كده أنا موافق"، ورفض محمد السعر المطروح بسبب المبالغة فيه.
وعبر محمود حاجي، علي المعاش، عن غضبه، قائلاً: "دا تهريج ودي ناس بتهرج، هي الشباب ﻻقية تمن شقة تتجوز فيها عشان يعرضوا عليهم مقبرة بالسعر دا".
واقترح حمزة عمران، عامل جراج، أن تعطي الدولة للشباب شققًا سكنية قم تدفنهم فيها أحياء، وذلك توفيراً علي الطرفين، وقال: "أنا شايف إن الحل اﻷمثل إنهم يوفروا للشباب دي شقق اﻷول وبعدين يدفوننا فيها".
وتحدث أحد الشباب: "أنا محتاج 10 آلاف جنيه بس عشان أكمل جوازي يعني وﻻ مرتاحين في العيشة وﻻ في الموتة".
واتفق معه في الرأي مصطفي عزوز، قائلاً: "الأرقام دي بتصيبني بالإحباط والحسرة، كان من اﻷولى طرح شقق للشباب اللي متبهدل عشان يلاقي مكان يتجوز فيه، بدل ما يقولنا مقابر وبأسعار خيالية".
وهناك من علق على اﻷمر بطريقة أكثر سخرية، فيقول علي أحمد، طالب: "ليه هي مقبرة توت عنخ آمون"؟
وقال فرحات محمود، موظف: "هم عاملينها بالرخام؟ لو بالرخام يبقي تستاهل المبلغ دا".
شاهد الفيديو
مصر العربية
0 التعليقات:
Post a Comment