هناك مجموعة من " الثورجية " الذين يكرهون الإخوان بشدة، وتأذوا منهم فعلاً، وفي نفس الوقت أدركوا فجأة أنهم أمام انقلاب عسكري دموي غشيم، وأن الوقوف ضده قد يعني حياتهم حرفياً. فالأمر لم يعد مقتصراً على مهاجمة الداخلية التي تصد بقنابل غاز وخرطوش. الأمر الآن وصل أن الجيش سيأتيك حتى بيتك ويقتلك برصاص حي ينفجر داخل جسدك.
كيف يتصرف "ثورجي من زمن فات" مع الوضع الجديد؟!
يصدعنا ليل نهار أنه لا يمكن أن يشارك في مظاهرة مع الإخوان ... كل يوم يكتب تويتة أو ستاتس جديدة ... الإخوان باعونا في محمد محمود يبقى مستحيل أنزل معاهم ... الإخوان في ٦ أكتوبر ٢٠١٢ هتفوا الجيش والشعب إيد واحدة في الاستاد يبقى استحالة انزل معاهم ... مش نازل ... مش نازل ... قالك انزل قال ... مش نازل ... مش نازل ... مش نازل !!!
المشكلة أن لا أحد طلب منه النزول ... من يوم مذبحة الفض والجميع أدرك أن الحق صار واضحاً وضوح الشمس ولم يعد معارض للانقلاب يرغب أن يطلب من غيره النزول ... لو هتنزل أهلاً وسهلاً ولو مش هتنزل فإنت حر، ناهيك أن حجة أن من يتظاهر فقط إخوان وأنه لن يشارك لهذا السبب صار الحديث فيها مملاً !
لكن صاحبنا لا يتوقف عن الكتابة ...
- إزاي انزل معاكم الجمعة يا خونة ياللي بعتونا في محمد محمود
= يا فندم محدش طلب من حضرتك تنزل
- يعني إيه محدش طلب مني أنزل؟! ...
= يعني مش عاوزينك تنزل معانا ... خلاص ... فهمت ... شكرا واقعد في بيتكم
- يعني إيه؟! ... يعني إيه؟! ... أنا حر أنزل براحتي
= ياسيدي عاوز تنزل انزل ... مش عا.....
- شفت ... أهو بتقول لي انزل ... مش نازل ياللي بعتونا في محمد محمود وعملتوا صفقة مع العسكر
= يا عم هو فيه حد قالك انزل
- اه
= مين
- إنت ... في التعليق اللي فات
= مقصدش مقصدش ... طب أنا آسف ... غلطان ... متنزلش ... من فضلك متنزلش
- بعد إيه ... بعد ما قلت لي انزل ... قال انزل قال ... انتوا نسيتوا محمد محمود
= .......
نحن لا نتهم أحداً بالخوف من الوقوف ضد العسكر والبحث عن مبرر أمام نفسه، نحن فقط نطلب منكم الهدوء ...
الجماعة بتوع #احنا_مش_هننزل_مع_إن_محدش_قال_لنا_ننزل
كفاية صداع الله يكرمكم علشان كدة كتير ...
خلاص عرفنا إنك مش هتنزل معانا علشان الإخوان باعوك في محمد محمود ... عرفنا خلاص ... جميل ... يا سلام ... برافو ... الإخوان وحشين فعلاً ... خلاص ... ممكن تقعد ساكت بقى
ولو السكوت صعب ... اكتب مرة واحدة بس واعمل شير ... اعمل شير ... شفت بسيطة إزاي ... مش كل مرة تتحفنا بمقال طويل عريض مكرر مكرر مكرر مكرر
مكرر !
0 التعليقات:
Post a Comment